guwit

To Sɛgbe afɔnnu 17 Avivɔsun , tɔjihun ɖé xe bɛ omɛ húgǎn 50 hɛn siɔ to tɔ̀sisa ɖé ji to Ayimatɛn Sokoto tɔn, to agewaji-hwèyixɔ Nigeria tɔn. Mɛxe to tɔjihun lɔ mɛ lɛ jei axi tɔ̀sisa tɔn ɖé mɛ to hwenuena asidan lɔ jɔ. Axɔluzɔnwatɔ lɛ ɖɔ ɖɔ omɛ 25 wɛ nyí hwinhwlɛngán to azán ɖokpólɔ gbè, kpóɖɔ ocyɔ́ atɔ̀n wá nyí mimɔ to Oguzangbe Avivɔsun . Cigbǎ nuɖi omɛ 25 ɖévo lɛ ma ko nyí mimɔ gba. To Azangaagbe 20 Avivɔsun, kpikpli alɔgɔnamɛtɔ ganɖuɖu tɔn ( NEMA ) ɖɔ ɖɔ é ma nyɔ́basí nadó mɔ omɛ susu dógɔ́ xe gbɛ́ kpò to ogbɛ̀. Azɔ̌n alɔgɔnamɛ tɔn lɔ ko ɖoalɔte todin. Asisa : RFI

To Sẹgbe afọnnu 17 Avivọsun, tọjihun de he bẹ omẹ hugan 50 hẹn siọ to tọ̀sisa de ji to Ayimatẹn Sokoto tọn, to agewaji-whèyihọ Nigeria tọn. Mẹhe to tọjihun lọ mẹ lẹ jei ahi tọ̀sisa tọn de mẹ to whenuena asidan lọ jọ. Ahọluzọnwatọ lẹ dọ dọ omẹ 25 wẹ yin whinwhlẹngán to azán dopolọ gbè, podọ oṣiọ atọ̀n wá yin mimọ to Oguzangbe Avivọsun . Ṣigba nudi omẹ 25 devo lẹ ma ko yin mimọ gba. To Azangaagbe 20 Avivọsun, pipli alọgọnamẹtọ gandudu tọn ( NEMA ) dọ dọ e ma yọnbasi nado mọ omẹ susu dogọ he gbẹ́ pò to ogbẹ̀. Azọ́n alọgọnamẹ tọn lọ ko doalọte todin. Asisa : RFI

To Oguzangbe 19 Avivɔsun, asidan mɔto tɔn ɖé to agbegbe Herat tɔn, agewaji-hwèyixɔ Afghanistan tɔn, xù é hwè gbau omɛ 79. Axɔluzɔnwatɔ lɛ ɖɔ ɖɔ ovi 19 tin to ocyɔ́ lɛ mɛ, kpóɖɔ omɛ awe sɔ gbleawu ga. Mɔto lɔ yì gbà dó agbànbɛhun ɖé kpó kɛkɛ ɖé kpó to nuɖi ogàn 8:30 hwèjai tɔn mɛ, bɔ asidan lɔ ɖékɔtɔn dó minyɔ́ ɖaxo ɖé mɛ xe fiɔ mɛsusu xe tin to mɔto lɔ mɛ lɛ. Kponɔ lɛ ɖɔ ɖɔ suhúgǎn mɛxe kú lɛ tɔn wɛ kú to afɔɖokpólɔji. Owùnu-jijɔ aliji tɔn lɛ gbayikpé to Afghanistan ná ali ylankan lɛ kpó mɔto kùnkùn to alixo numakinyaa tɔn mɛ kpó wutu. Axɔluzɔnwatɔ lɛ ɖɔ ɖɔ dodinnanu lɔ gbɛ́ kpò to nukɔnzindó. Asisa : Africanews  

To Oguzangbe 19 Avivọsun, asidan mọto tọn de to agbegbe Herat tọn, agewaji-whèyihọ Afghanistan tọn, hù e whè gbau omẹ 79. Ahọluzọnwatọ lẹ dọ dọ ovi 19 tin to oṣiọ lẹ mẹ, podọ omẹ awe sọ gbleawu ga. Mọto lọ yì gbà do agbànbẹhun de po kẹkẹ de po to nudi ogàn 8:30 whèjai tọn mẹ, bọ asidan lọ dekọtọn do miyọ́n daho de mẹ he fiọ mẹsusu he tin to mọto lọ mẹ lẹ. Ponọ lẹ dọ dọ suhugan mẹhe kú lẹ tọn wẹ kú to afọdopolọji. Owùnu-jijọ aliji tọn lẹ gbayipe to Afghanistan na ali ylankan lẹ po mọto kùnkùn to aliho numakiyana tọn mẹ po wutu. Ahọluzọnwatọ lẹ dọ dọ dodinnanu lọ gbẹ́ pò to nukọnzindo. Asisa : Africanews

To Oguzangbe 19 Avivɔsun afɔnnu, sòhɛntɔ lɛ tɔ́nahwàn mɔcalaci ɖé to gbétatò Unguwan Mantau tɔn mɛ to Ayimatɛn Katsina tɔn mɛ, to agewaji-hwèyixɔ Nigeria tɔn. Kponɔ lɛ ɖɔ ɖɔ é hwè gbau omɛ 17 wɛ nyí xùxù, cigbǎ linlin ɖévo lɛ ɖɔ ɖɔ sɔxa lɔ yiaga húgǎn mɔ. Axɔluzɔnwatɔ lɛ ɖɔ ɖɔ mɛgbenyinya lɔ wá aimɛ ná tòmɛnu lɛdó lɔ tɔn lɛ ko xù sunnu xe sɔahwànnu ɖélɛ ɖayǐ wutu. Mɛgbenyinya lɔ nɔ wá to oɖɛ̀ afɔnnu tɔn lɛ hwenu bo nɔ ɖobuna mɛsusu. ɖélɛ to yé mɛ nyí awugblena bɔ hwɛndó lɛ sɔ to aluɛmɛ ná mɛyiwǎnna yětɔn lɛ. Sòhɛntɔ lɔ lɛ ma ko nyí wiwle gba. Todin, kponɔ lɛ kpó ahwànfuntɔ lɛ kpó to dindin yé. Katsina kpó Ayimatɛn Zamfara tɔn xe tin to yakɛ kpó gbɛ́ to yaji sɔ́n hwɛxo mɛsusu tɔn mɛ xe nyí xùxù bo nyí wiwle gánnugánnu gbɔn sòhɛntɔ lɛ dali. Asisa : BBC

To Oguzangbe 19 Avivọsun afọnnu , sòhẹntọ lẹ tọ́nawhàn mọṣalaṣi de to gbétatò Unguwan Mantau tọn mẹ to Ayimatẹn Katsina tọn mẹ, to agewaji-whèyihọ Nigeria tọn . Ponọ lẹ dọ dọ e whè gbau omẹ 17 wẹ yin hùhù, ṣigba linlin devo lẹ dọ dọ sọha lọ yiaga hugan mọ. Ahọluzọnwatọ lẹ dọ dọ mẹgbeyinyan lọ wá aimẹ na tòmẹnu lẹdo lọ tọn lẹ ko hù sunnu he sọawhànnu delẹ dai wutu. Mẹgbeyinyan lọ nọ wá to odẹ̀ afọnnu tọn lẹ whenu bo nọ dobuna mẹsusu. Delẹ to yé mẹ yin awugblena bọ whẹndo lẹ sọ to aluẹmẹ na mẹyiwanna yetọn lẹ. Sòhẹntọ lọ lẹ ma ko yin wiwle gba. Todin, ponọ lẹ po awhànfuntọ lẹ po to dindin yé. Katsina po Ayimatẹn Zamfara tọn he tin to yakẹ po gbẹ́ to yaji sọn whẹho mẹsusu tọn mẹ he yin hùhù bo yin wiwle gánnugánnu gbọn sòhẹntọ lẹ dali. Asisa : BBC

Mohamed Salah xe wá sɔ́n Egypt ko mɔ nunina lɔ yí ná bɔlu-afɔtɔn gbatɔ ɖagbe húgǎn oxwe lɔ tɔn to England ná hwla atɔ̀ntɔ. Ewɔ wɛ omɛ tintan xe mɔ nunina exe yí hwla atɔ̀n. É mɔ ɛn yí sɔ́n kpikpli bɔlu-afɔtɔn gbatɔ azɔ́nnywɛtɔ lɛ tɔn ( PFA ) mɛ. To oxwe xe wayi mɛ, Salah xò bɔlu ganji xɛ kpikpli etɔn to England. É xɔ́ agó susu, bo ná alɔgɔ susu, bosɔ gɔalɔná bɔlu-xògbɛ́ etɔn nadó ɖuto agbàhwinhwlɛn Premier League tɔn ji. É sɔ mɔ nunina awe ɖévo yí to osun agɔé tɔn lɛ mɛ. Bɔlu-afɔtɔn gbatɔ Egypt tɔn lɔ ko nyí oxwe 33 mɛvi todin. É ɖoalɔ azɔ́nmɛbyɔ́wema yɔ́yɔ́ ɖé mɛ ná oxwe awe to Liɖosun. Mɛsusu to England kpóɖɔ lɛdó ayihɔ́n kpé kpɔ́n ɛn hlan tayiɖi bɔlu-afɔtɔn gbatɔ ɖaxo ɖé kpó mɛxe tindó sisi tawun ɖé kpó. Asisa : RFI

Mohamed Salah he wá sọn Egypt ko mọ nunina lọ yí na bọlu-afọtọn gbatọ dagbe hugan owhe lọ tọn to England na whla atọ̀ntọ. Ewọ wẹ omẹ tintan he mọ nunina ehe yí whla atọ̀n. E mọ ẹn yí sọn pipli bọlu-afọtọn gbatọ azọ́nyọnẹntọ lẹ tọn ( PFA ) mẹ. To owhe he wayi mẹ, Salah hò bọlu ganji hẹ pipli etọn to England. E họ́ agó susu, bo na alọgọ susu, bosọ gọalọna bọlu-hògbẹ́ etọn nado duto agbàwhinwhlẹn Premier League tọn ji. E sọ mọ nunina awe devo yí to osun agọe tọn lẹ mẹ. Bọlu-afọtọn gbatọ Egypt tọn lọ ko yin owhe 33 mẹvi todin. E doalọ azọ́nmẹbiọwema yọyọ de mẹ na owhe awe to Lidosun. Mẹsusu to England podọ lẹdo aihọn pé pọ́n ẹn hlan taidi bọlu-afọtọn gbatọ daho de po mẹhe tindo sisi taun de po. Asisa : RFI