Nigeria: Miyọ́n hù nọvisunnu jọja awe to Ondo
Nọvisunnu jọja awe, Jelad Oluwaranakinse he yin owhe atọ́n mẹvi , po Jenson he yin nọvisunnu owhe atọ̀n mẹvi etọn po kú to miyọ́n he fiọ owhé yetọn to Akure, ayimatẹn Ondo tọn, to Azangaagbe.
Mẹhe tin to finẹ lẹ dọ dọ Whési Deborah Oluwaranakinse, he yin onọ̀ yetọn, sú yé do họmẹ bo tọ́nyi nado họ̀ núdùdù. Whenue e tọ́n sọn whégbè, miyọ́n de bẹjẹeji to owhé lọ gbè. Kọmẹnu lẹ tẹnpọn nado doalọtena miyọ́n lọ bo whlẹn ovi lẹ gán, ṣigba yé ma sọgan wàmọ gba.
Dopo to mẹhe tin to finẹ lẹ mẹ dọ dọ ”mí nọ ylọ azọ́nwatẹn miyọ́n-ṣítẹn tọn, ṣigba to ojlẹ he mẹ yé wá, whenu ko fẹ́. Ovi lọ lẹ ko kú.” Whẹwhinwhẹ́n miyọ́n lọ tọn ma ko yin yinyọnẹn gba.
Oṣiọ visunnu awe lọ lẹ tọn yin hinhẹn yì glasé-họ̀ he mẹ yè nọ ze oṣiọ lẹ do mẹ to University of Medical Sciences Teaching Hospital to Akure.
Whési Funmilayo Odunlami he yin hoyidọtọ ponọ lẹ tọn to Akure, do nujijọ awubla tọn lọ hia to Yọnnuzangbe. E dọ dọ, “visunnu awe lọ lẹ yin súsú do ohọ̀ lọ mẹ gbọn onọ̀ yetọn he tọ́n nado yì họ̀ núdùdù dali. Azọ̀ lọ hú yé bọ miyọ́n fiọ yé. Mí to nuhe hẹn miyọ́n lọ wá lẹ gbeje pọ́n.”
Comments
Post a Comment